Intension: Para sa mga nagtatabang na mga nagangaipo.
Lider: Sinasamba asin inoomaw mi Ika, Kagurangnan.
Banwaan: Huli ta sa mahal mong krus, tinubos mo an kinaban.
AWIT:
Dalan pa-Calvario
Naherakan ka
Kaming makasalan
Kaherakan man
TATARAMON NIN DIOS (Lider/Lector): Lucas 23:26
Kan ihatod si Jesus, dinakop ninda an sarong Simon, sarong cireneo, na nagpupuli hale sa uma, asin isinangat saiya an krus, tanganing pasanon sa hudyan ni Jesus.
Mag-ontok nin dikit sa paghorop-horop
SIMBAG SA TATARAMON NIN DIOS:
Gabos: Sa panahon nin kadipisilan,// minausbong man an mga tawong handa na magtabang// Sa balaog na ini, salamat Kagurangnan.// Salamat sa mga Simon Cireneo na nasasabatan niamo sa dalan.// Sa tahaw nin kagabatan, // an samuyang pasan saindang pinapagian. // Bendisyonan mo an saindang kabootan. // Papagdanayon mo an saindang karahayan // mantang sinda nabubuhay // asin padagos na magbunga sa saindang mga kapag arakian.// Amen.
TARA, KAGURANGNAN MARIA...
Gabos: O mamomoton na Dios, kaherakan mo kaming mga makasalan, antabayan mo kami sa dalan nin pagkamoot, asin sorogon sa gabos na sogot. Amen.
Awit (pasiring sa masunod na estacion): Pagkamoot an Hagad Ko
Tags:
Station of the cross