Dahil ta dai ko mahihimo an maogmang paglingkod sa mga banal na misteryo
Dios ko, dinadara ko sa spiritual na paagi an sakuyang sadiri sa pamitisan kan saimong altar.
Nakikisumaro ako sa Simbahan na Katoliko,
Sa paagi kan mga kamot nin padi na minaatang kan Saimong mamurawayon na Aki sa Banal na Misa.
Kasabay Niya huli Saiya, asin sa Ngaran Niya, inaatang ko an sakuyang sadiri.
Nag ngangayo-ngayo ako saimo, maheherakon na Jesus
Tawan sa kalag ko an daing katapusan mong tabang.
Mawot kong spiritual na magpakinabang Saimo
Tanganing an Saimong Dugo maglinig, an Saimong Laman magpakusog
Asin an saimong Espiritu, magpabanal sakuya.
Lugod dai ako makalingaw, banal kong Paraligtas,
Na ika nagadan para sakuya.
Magadan man lugod ako sag abos na bagay na siblag Saimo
Asin sa kahuri-hurihi, mabuhay ako sagkod paman sa kaibahan mo.
Amen.
Tags:
Devotional