O Dios na samong Ama kan gabos na katawohan sa ibabaw nin daga sagkod sa langit ika an Ama, samong Kagurangnan kag lalang samoya, pag omawon sa gabos na panahon saimo an pag samba asin pagrokyaw kan mga makangangalas na saimong kapangyarihan.
Mantang digdi sa daga tinawan mo man kami nin mga ama na iyong dahilan kan paglakop kan mga tawo sa kinaban poon ki Adan sagkod sa henerasyon ngunyan pag omawon ka Kagurangnan.
Boot ming iitaas Saimo an samong mga ama sa laman na iyong huminaman sasamoya. Bilang mga aki asin tawo, salamat sa sainda sa gabos nindang sakripisyo sapag otob kan katongdan bilang ama na poon sapag kabilog kan aki sa sinapupunan nin sarong ina inotob ninda an oblegasyon sagkod sa saindang kagadanan.
Patawara man an mga ama na mga natalaw sa saindang katongdan. Ining mga ama na nag baya sa saindang mga aki, mga ama na naging madahas asin dai naging marhay na paraataman kan saindang mga aki na saimong regalo, sa mga buhay pa asin mga nagadan na tawi sinda nin ilaw asin giya para sa may mga buhay pa, asin sa mga gadan na tawi nin kapatawaran an saindang mga kalag..
Alagad hilinga nin saimong pag ampon an mga nag pakang ama,sa ngaran kan pag turo kan katanosan sa liwanag asin pag midbid sa saimong pagka makakahaman na Dios.
Bendisyonan mo an mga Padreno sa bunyag, asin kumpil maging sapag kasal na nag otob kan katongdan na pinanogaan Saimo.
An mga maestro asin mga katikista na nag pakang ama sa ngaran kan edukasyon moral asin pag samba, balusan mo lugod nin grasya.
An ama sa samong ispiritual na iyo padi sa samong parokya. Tawi nin grasya asin pag iingat huli kan saindang pag hingowa sa karahayan asin pag midbid Saimo.
Asin sa hudyan, bendisyonan mo an ama kan samong banwaan asin kan samong nasyon sa magabat nindang katongdan. Amen.
Sr. San Jose, ipamibi mo kami.