Dios na samuyang Ama, minadolok kami Saimo
dara an samuyang pangangaipo tanganing hagadon
na ilikay kami sa Covid-19 na nagbawi nin mga buhay
asin kadakol an naapektaran.
Warasan samuya an saimong grasya.
Sa mga yaon sa pag-adal kan kabilogan asin ginikanan
kaining bayrus asin kasabay na helang.
Siring man an paglakop asin pag-olakit kaini.
Antabayi an mga kamot asin pag-isip kan mga ekspertong medico
na maglingkod sa mga naghehelang
na may matibay na kaaraman siring man pagkaherak,
asin an mga gobierno asin pribadong mga ahensya
na dapat hanapon an bulong asin solusyon sa epedemiang ini.
Ipinapamibi niamo an gabos na mga naolakitan
na sinda marahay man tolos.
Tawan samuya an grasya na maghingowa para sa karahayan kan gabos
siring man rnagtabang sa gabos na nasa kahorasaan.
Ini hinahagad niamo huli ki Jesu Cristong Kagurangnan,
Saimong Aki, nabubuhay asin naghahade kasaro kan Espiritu Santo,
sa kapanahonan kan mga panahon.AMEN.
Santa Maria, Tabang sa gabos na Kristiano, ipamibi mo kami.
San Rafael Arkanghel, ipamibi mo kami.
San Roque, ipamibi mo kami.
San Lorenzo Ruiz, ipamibi mo kami.
San Pedro Calungsod, ipamibi mo kami.