Pagbasa kan banal na Ebanghelyo ✠ na sinurat ni San Markos 12:28-34
𝔖arong Escriba na naghihinanyog kan urulay, pakahiling na marhay an mga simbag ni Jesus, nagrani asin naghapot: "Arin an enot sa gabos na tugon?" Si Jesus nagsimbag: "An enot sa gabos na tugon iyo ini: 'Dangoga Israel, an Kagurangnan tang Dios iyo an Kagurangnan. Kamotan mo an Kagurangnan mong Dios sa bilog mong puso, bilog mong kalag, bilog mong isip asin bilog mong kusog. An ikaduwa iyo ini: 'Kamotan mo an kapwa, siring kan pagkamoot mo sa saimong sadiri.' Daing tugon na urog kadakula kaini." An Escriba nagpahayag: "Tama an saimong simbag, Maestro. An Kagurangnan saro sana asin daing iba. An pagkamoot saiya sa bilog na puso, bilog na isip asin bilog na kusog; asin an pagkamoot sa kapwa siring sa pagkamoot sa sadiri. Ini urog na mahalaga ki sa gabos na atang o dulor Nahiling ni Jesus na marahay asin malinaw an pahayag kan Escriba, kaya nagsabi saiya: "Bako kang harayo sa kahadean nin Dios." Pakatapos dai na nin nangahas na maghapot saiya.
R. Pag-omaw saimo, Cristo.